Fil-banda hemm iz-Zizza(kitarra u kant), il-Fre(bass), id-Drinu(kitarra u kant), Samwel(pjanu u kant) u Chris(drums u kant). L-Influwenzi mużikali tal-Brodu huma: Verdena, Beatles, Mac DeMarco, Bob Marley, Black Sabbath, Led Zeppelin, il-bossa nova u ħafna iktar.

Il-Brodu irrekordjaw l-ewwel album tagħhom imsejjaħ Ħabullabullojb ġewwa t-Temple Studios fil-Mistra bi produzzjoni ta’ David Vella. L-album ġie mniedi ġewwa r-Razzett l-Aħmar fil-Mosta nhar l-14 ta’ Novembru 2014.

It-tieni album imsejjah Tfejt gie irrekordjat ġewwa t-Temple Studios fil-Mistra bi produzzjoni ta’ David Vella, u ġie mniedi fid-9 ta’ Lulju 2017 ġewwa St James Cavalier il-Belt Valletta.

Fi tmiem is-sena 2017, il-Brodu reggħu daħlu t-Temple Studios biex jirrekordjaw żewg diski ġodda bi produzzjoni ta’ David Vella, li gew imniedin il-Ħadd 22 ta’ April 2018 waqt ‘Rock The South’ bħala EP taħt l-isem Intimita’.

It-tielet album bl-isem ‘Blu’ ġie irrekordjajt bejn l-2019 u l-2020 u mniedi onlajn fil-15 ta’ Frar 2021. L-album għandu produzzjoni, recording, mixing u mastering minn David Vella ta Temple Studios.

Kitarra Baxxa – Fredrick Abdilla (aka il-Fre)

Pjanu u Kant – Samuel Attard

Drums u Kant – Chris Mallia

Kitarra u Kant – Andrew Micallef (aka id-drinu)

Backing Vox – Fiona Camilleri

id-diski:

1. Kung fu karate
2. Ti tupa’ rititero (feat. Peklektru, Żdong Wesq, Danjeli u ċ-Chalee)
3. Kusksu clan (feat. Peklektru)
4. Sal-ġister
5. Ħafna karozzi
6. Ħossok id-dar mal-Kusksu clan
7. Veloċita’ tal-qalb
8. L-imfixklin (haw’ Kus) feat. Żdong Wesq(S.T.T.)
9. Ħlewwa vjolenza (feat. Antonio Tufigno)
10. Nagħmel li ma rridx

Titlu ta’ l-EP: Bambinella [2021]

id-diski:

1. Neoprene
2. Bambinella
3. Żball kbir
4. Chips
5. Fl-Univers Maġenbek

Titlu ta’ l-Album: Blu [2021]

id-diski:

1. Inċedi le
2. Julia
3. Balzmu
4. Minjiera blu (feat. JOON)
5. Litanija
6. Kemm hi sabiħa l-ħajja! (feat. Mario Vella)
7. Il-magħmudija t’imħabbtek
8. Irranġani
9. Pupazz
10. Ħondoq ħurrieq

Titlu ta’ l-EP: Intimita’ [2018]

id-diski:

1. Intimita’
2. Kif se nagħmlu ‘żiż?

Titlu ta’ l-Album: Tfejt [2017]

id-diski:

1. Tfejt
2. Ghandi l-ghatx
3. Sekwestrin
4. Is-sengha tal-imhabba
5. Kuragg Bezina
6. Id-Dieqa helwa ta fil ghaxija
7. Ergajt waqajt f’koma
8. Dritt ghall-qiegh
9. Il Gorf
10. Ħamiem
11. Tghidli Le & Kanzunetta biex timla
12. Mieghek immur

Titlu ta’ l-Album: Ħabullabullojb [2014]

id-diski:

1. fejn hu l-ferh?
2. fil-bosk
3. kemm jiena cool!!
4. il-gaffa Hymac
5. siehbi jhobb il-lejl
6. ic-cimiterju
7. ix-Xghajra
8. ma tridx tmur mal-feeling
9. theggigni u toqtolni
10. l-ismack
11. l-Orjent
12. Cinderella
13. feeble
14. Graces Street

it-Tlieta 30 ta’ April – Storeroom (Ta’ Xbiex)
il-Ġimgħa 26 ta’ April – Tnedija tal-album “Kusksu Clan” (il-Każin tal-Baqra, Ħaż-Żabbar)
is-Sibt 20 ta’ Jannar – Brodu @97Notes (97Notes, Valletta)

2023

il-Ġimgħa 2 ta’ Ġunju – Earth Garden (Ta’ Qali)
is-Sibt 6 ta’ Mejju – Rock The South (Zion, M’Scala)

2022

is-Sibt 10 ta’ Dicembru – Kunċert tat-Tnedija Split LP ma Djun (Sir Temi Żammit, UoM)
is-Sibt 20 ta’ Awissu – Rock for Richmond (Mosta)
is-Sibt 9 ta’ Lulju – Rock The South (Zion, M’Scala)
is-Sibt 25 ta’ Ġunju – Zabbar Autofest (Haz-Zabbar)
is-Sibt 7 Ta Mejju – Klabb Ħawaj (San Gwann)
il-Ġimgħa 6 ta Mejju – Klabb Ħawaj (San Gwann)

2021

il-Ħadd 21 ta’ Novembru – Hole in the Wall (Sliema)
12, 13 u 14 ta’ Novembru – Bambinella (St James Cavalier, Valletta)
il-Ġimgħa 30 ta’ Lulju – APS Summer Festival (UoM, Msida)

2019

il-Ġimgħa 1 ta’ Novembru – Brodu + Bark Bark Disco (Tigullio, San Giljan)
il-Ħadd 16 ta’ Ġunju – Brodu + The Shh (San Gorg Preca College, Hamrun)

2018

it-Tnejn 30 ta’ Lulju – Gogol Bordello (Aria Complex, L-Iklin)
il-Ħadd 10 ta’ Ġunju – Brodu u Djun (il-Każin tal-Baqra, Ħaż-Żabbar)
is-Sibt 2 ta’ Ġunju – Band in a Can (Hole in the Wall, Sliema)
il-Ħadd 22 ta’ April – Rock The South (Zion, M’Scala)
il-Ġimgħa 19 ta’ Jannar – Iljieli Beltin (Sala San Duminku, Valletta)

2017

il-Ġimgħa 8 ta’ Dicembru – Prog The Islands, The Garage (Ħaz-Zebbug)
il-Ħadd 22 ta’ Ottubru – The Talbot & Bons Music Marathon (SkyParks, Luqa)
is-Sibt 14 ta’ Ottubru – Campus Fest (L-Università ta’ Malta, Msida)
l-Erbgħa 11 ta’ Ottubru – Unplugged Malta (L-Università ta’ Malta, Msida)
il-Ħadd 9 ta’ Lulju – Tnedija tal-album “Tfejt” (St James Cavalier, Valletta)
il-Ġimgħa 19 ta’ Mejju – Malta World Music Festival (Fort St Elmo @ 20:00)

2015

il-Ħadd 7 ta’ Ġunju – Earth Garden (Ta’ Qali @ 21:00)
il-Ġimgħa 10 ta’ April – Rock The South (Zion, M’Scala)
is-Sibt 28 ta’ Marzu – Kotra, Razzett l-Aħmar (Mosta)
il-Ġimgħa 6 ta’ Marzu –  Ġugar – (Valletta)
il-Ġimgħa 27 ta’ Frar – Lucky Jack’s (Rabat – Għawdex)
il-Ħadd 22 ta’ Frar – St James Cavalier (Valletta)
l-Erbgħa 18 ta’ Frar – Stabro bar (Każin PN Luqa)
il-Ħamis 12 ta’ Frar – Bongo Nyah (Wied il-Għajn)
it-Tnejn 9 ta’ Frar – Django (Valletta)
is-Sibt 7 ta’ Frar – Razzett l-Aħmar (Mosta)

Lirika ta’ l-Album: Kusksu Clan [2024]

Lirika ta’ l-EP: Bambinella [2021]

Lirika ta’ l-Album: Blu [2021]

Lirika ta’ l-EP: Intimita’ [2018]

Lirika ta’ l-Album: Tfejt [2017]

Lirika ta’ l-Album: Ħabullabullojb [2014]

Tistgħu issibuhom ukoll minn dawn is-siti elettronici Bandcamp, iTunes, jew Spotify.

Intimità,
Hi ħaġa li kulħadd irid.
Is-sid mal-kelb, kif ukoll il-kelb mas-sid.
U jekk għalija għandek ftit,
Irrid.

Intimità,
Refuġju mit-taħbit ta’ kuljum.
U daqsxejn fsied, mhux se jħassar lil dak li jkun.
U jekk f’ħajtek għandek bżonn iljun,
Inkun.

La tibqax tfittex aktar, għandi post għalik.
Noffrilek kenn minn barra.
Qalbi ntik.
Naraw it-televixin tard fuq is-sufan.

Fuq ix-xandir: Kolesterol għall-qalb ħażin.
Jien ħlejt wisq ħin.
Tlaqt nimla l-vojt b’borma għaġin.

X’hemm isbaħ mill-kuntatt uman!
Kemm ħlejt ħin waħdi jien, baħnan!

****************************

Kif se nagħmlu ‘żiż?

M’hemmx wisq xi tgħid.
Dħalt fi sqaq u dlonk insib ħajt.

M’huwiex każ ta’ disprar.
Min jaf kemm haw’ nies li raw agħar!

Mhux irrabjat, biss taf kemm issawwatt u qattajt blat.
Strajk! Strajk tal-ġuħ! Uri wiċċek! Taf li nagħmluh!

Int taf, int taf li ħallejt vojt.
Int taf, int taf li qatt ma kont.
Kont qiegħed nitkellem mal-ħajt!
Kemm iż-żikk domt biex indunajt!

Min se jieħu it-tmun? U x’jiġri la l-baħar iqum?
Kif se nagħmlu ‘żiż? Jaqaw din ċajta? Għax naf li inti brikkun!

Taf li m’hemmx int! – Arja, imlieli l-vojt fil-pulmun.
Naf, stennejt wisq – Qalbi, ippompja d-demm ħalli nkun.

Min se jieħu it-tmun? U x’jiġri la l-baħar iqum?
Kif se nagħmlu ‘żiż? Jaqaw din ċajta? Għax naf li inti brikkun!

Taf li m’hemmx int! – Arja, imlieli l-vojt fil-pulmun.
Naf, stennejt wisq – Qalbi, ippompja d-demm ħalli nkun.
Rajt li hemm baħħ – Elettriku, spara ma’ kullimkien.
Xiex? Verità? – Nervi, wasslu fil-moħħ biss il-ġmiel.

Ħabib qed narak ftit imriegħed u kemmxejn beżgħan
Jekk għajjejt jien lest nimxi miegħek, jew naqbdu ajruplan.

Il-ħajja ttik bis-sieq, biss taqtax qalbek, mhux kollox sabiħ.

Fejn huwa il-ferħ? Fejn hu qiegħed?
Dak spiċċa u mar.
Fejn huwa il-ferħ? Fejn hu qiegħed?
Taf ħallejtu d-dar.

Dak li għandi jien qisu tiegħek, tikkonfondi xej.
Il-problemi fil-Lvant Imbiegħed, naqtagħlek id-dejn.

Il-ħajja ttik bis-sieq, biss taqtax qalbek, mhux kollox sabiħ.

Fejn huwa il-ferħ? Fejn hu qiegħed?
Dak spiċċa u mar.
Fejn huwa il-ferħ? Fejn hu qiegħed?
Taf ħallejtu d-dar.

****************************

fil-bosk

Kont miexi ġo xi bosk u nara bniedem għaddej
Għedtlu “ħares intlift, inti fej sejjer fej?”
Qalli “ħabib jien bħalek, jiena bniedem mitluf.
Ġo dan il-bosk inħossni f’ħalq il-lupu, l-ħaruf.”

Għedtlu “fejn huma sħabek? Mela ħallewk l-art?”
Qalli “iva telquni.” Ħeqq jiena bsart.
Għax jiena ġrali bħalu baqa’ biss tifkiriet.
U ġewwa dan il-bosk ix-xemgħa f’qalbi ntfiet.
Ritornell: Qawwi qalbek, kompli sejjer
Għax it-tama l-aħħar li tmut.
Grif, dwejjaq u dmugħ, parti mir-realta’
Ajjj ajj ajj ajj aj ja ja ja ja ja ja

Ma nafx x’se naqbad nagħmel fej sa nagħti rasi
Ħabib aħjar nitilqek toqgħodx tagħti kasi.
Għax int fittixt l-għajnuna w jiena ma tajtielekx,
Anzi irringrazzja l-Alla illi bqajt ma sħittekx.

U telaq w għadda ‘l hemm dal-bniedem għall-grazzja t’Alla
It-tnejn bla direzzjoni, it-tnejn ponta m’Alla
U issa bdejt ninkwieta għax beda’ dieħel il-lejl,
U jien ta’ dan il-bosk ma kelli ebda’ kejl.

Ritornell

Ġol-basket kelli torċ u ħriġtha forsi nara
Komplejt jiena bla ħeġġa nterraq b’pass ta’ ħmara
Daqqa naħbat ġo siġra, daqqa naqa’ mal-art
Komplejt jiena bla ħeġġa, bdejt immut bil-bard

U f’daqqa waħda bdejt nisma għajjat ta’ festa
U ħadt ir-ruħ għax fhimt illi dal-vjaġġ kien tlesta
Fil-pront nara lil sieħbi ġej imkisser, għajjien
Għedtlu “ħabib wasalna għall-festa! Ejja, dħalna flimkien!”

Ritornell

****************************

kemm jiena cool

Niġri w naqbeż ‘l hemm u ‘l hawn, kemm jiena cool
Interraq ‘l hemm, interraq ‘l hawn, kemm jiena cool
Indoqq f’heavy metal band, but I do not know where I stand

Ngħaddi minn ħdejk u ma nkellmekx, għax jiena cool
Ta’ bir-ruħi ma rajtekx, kemm jiena cool
Inpejjep xi sigarett, jew sigarru tal-farfett

Nilbes maskra ta’ kuljum, kemm jiena cool
Kull filgħodu malli nqum, kemm jiena cool
Ma’ ta’ barra immur tajjeb, ma’ ta’ ġewwa noħroġ il-ktajjen!

Naqdi ‘l Alla u lill-flus, kemm jiena cool
Jiena ċ-ċentru, jiena l-fus, kemm jiena cool
Nikteb diski ska u doom, fil-verita’ jien imbruljun!

Jien antikapitalist, nisrani u ambjentalist.
Insalva lid-dinja kollha, u ġo dari mietu kollha!

Nixtri l-kafe’ tal-kummerċ ġust, u l-ħalib tal-baqar kbar,
Nistudja l-arti, l-filosofija, w ta’ kuljum pornografija.
Niżra u naħsad, niffanga, nsum
Norqod, nistinka, ngħaġġel u ndum
Ngħabbi, inħott, nieħu, inrodd
Naqa’ u nqum, kemm jiena cool!

****************************

il-gaffa Hymac

Il-gaffa Hymac!
Żul minn hemm għaliex din kollox tfarrak!
Hija tgħaffġek mingħajr ebda’ ħniena, u għalik żgur li l-mewt tkun il-piena.

Il-gaffa l-għodda tal-kbarat illi jmexxu did-dinja.
U b’hekk huma dawn joħolqu linja bejn dawk foqra w il-ftit is-sinjuri.

Warrab għax tgħaffġek!
Hija ma tafx x’inhija l-imħabba, u ġo qalbna l-għadab jitrabba, lejn dil-gaffa li nħolqot mill-bniedem.

Il-gaffa Hymac!
Żul minn hemm għaliex din kollox tfarrak!
Hija tgħaffġek mingħajr ebda’ ħniena, u għalik żgur li l-mewt tkun il-piena.

****************************

sieħbi jħobb il-lejl

Sieħbi qalli illi jħobb il-lejl
Għax għalih bi nhar huwa theddida
Kif jisbaħ ifeġġu d-dlamijiet
U kuljum wieħed irid iweġġa’

Il-gwerra tiġġilidha fil-moħħ
Kontra l-moħħ, il-ġisem u l-kuxxjenza
Int tqabadt b’ħila kont kuraġġuż
Iżda meta żlaqt l-għadu ma ħennx għalik

Stajt għentek ħabib tibda’ ħajja mill-ġdid

Jekk se tagħti l-ferħ, Int li tagħti l-ferħ, meta tagħti l-ferħ, aħseb fija.

Ma nafux biex se nimlew il-vojt
Żgur li ma jinteliex b’materjali
Jien inħossni bniedem ivvizzjat
L-ikel, l-għażż, u l-kumdita’ kieluni

Bħal ma l-lejl jinbidel fin-nhar, inbdilt.
Inħlist mill-mibegħda w dak kollu li jdallam
Int tqabadt b’ħila kont kuraġġuż
Iżda meta żlaqt l-għadu ma ħennx għalik

Stajt għentek ħabib tibda’ ħajja mill-ġdid

Jekk se tagħti l-ferħ, Int li tagħti l-ferħ, meta tagħti l-ferħ.

Meta tagħti l-ferħ, Int li tagħti l-ferħ aħseb fija.

****************************

iċ-ċimiterju

Xi kultant nitlef ftit il-fil u ninsa minn fejn ġej,
’Il fej’ sejjer, fej’.
Il-ħajja fiha tlugħ u nżul,
Aktar tlugħ minn inżul,
Aktar tlugħ mi’ nżul.
Ma rridx ingerger, tifhimnix, tifhimnix ħażin,
ingerger m’iniex.
Iżda ta’ bniedem fqir li jien,
Ma narax ’il quddiem,
Nisħet il-ħolqien.
Inpoġġi bilqiegħda ħdejk, ġiex kitarri, ġiex tazzi te.
Tqabbad sigarett, u ndoqqu dan id-dwett, b’kordi mnikktin.
Nintilfu għal ftit, għal ftit meħlusin.
Il-kuġin qalli tinkwetax għax għal hawn m’aħniex
Trid jew ma tridhiex.
Ma tridx teħodha f’sens ħażin,
Li jrid jgħid hi din,
Li ma tridx titlef ħin.
Iċ-ċimiterju q’ed viċin, jgħidulek miskin,
għax fejn il-mejtin.
Lili jogħgobni filgħaxija
Iż-żiffa, iċ-ċipress, id-dija…
Inpoġġi bilqiegħda ħdejk, ġiex kitarri, ġiex tazzi te.
Tqabbad sigarett, u ndoqqu dan id-dwett, b’kordi mnikktin.
Nintilfu għal ftit, għal ftit meħlusin.

****************************

ma tridx tmur mal-feeling

tribulazzjoni,
tbatija bla glorja,
dieqa bla qies,
salib bla ħelsien.

Is-sema aħmar,
Skiet illi jwaħħxek
Wita u trab,
Nixfa u blat.

Dawruk ix-xjaten,
Qed iħejju l-massakru
Xenarju ta’ mewt
Festa ta’ telfien

Iċċedix l-armi,
Tqabad sal-aħħar
Sa ma jaħkmuk
Għal darb’ oħra jsallbuk

Ma tridx tmur mal-feeling, le le la tkunx skjav!

****************************

Tħeġġiġni w toqtolni

Emminni ma nafx x’inħoss, meta nsibni nħares lejk.
Għandix nobgħod, għandix ngħożż, dis-sbuħija li inti int.
Tixbaħ l’ ajkla fis-smewwiet, majestuża w rixek fin.
Inti fjura qalb l-għollieq, unur għall-ħolqien.

Taf li tkebbisni b’ dieqa illi tgħaxxik.
Jekk nista’ nonqsok, naqla’ għajnejja t-tnejn, ikun aħjar.

Ma nafx irridekx tkun taf li inti oħla minn kulħadd.
Kieku nqegħdek ġo mużew, biex kulħadd jitpaxxa bik.
Nistennik, biss jekk narak, nistaħba għax jien għarwien.
Inti fjura qalb l-għollieq, unur għall-ħolqien.

Taf li tkebbisni b’dieqa illi tgħaxxik.
Jekk nista’ nonqsok, naqla’ għajnejja t-tnejn, ikun aħjar.

Aħjar tgħeżżiżni waħda forsi nqum.
Inxammar il-kmiem, nibda’ x-xogħol.

****************************

l-ismack

Kif nisma’ l-qanpiena tal-bieb, ninħasad, niġi niftaħlek.
Ġa naf x’se tgħidli, għax issa drajt; “prova għejni, illum tal-aħħar.”

Drabi bqajt sod, sikwit ċedejt,
Ġieli anke wassaltek u bqajt ħdejk.
Imbagħad meta tistrieħ tkun trid tibqa’ miegħi,
Iżda jiena nkun irrid nitlaq’ minn ħdejk.

Għaliex l-ismack tkissrek, tkissirlek moħħok żgur!
L-ismack tkissrek, tkissirlek moħħok żgur.

Ngħidlek id-dritt ma nafx kif int, iżda issa kuntent li sirt naf min int.
Inħoss li naqblu w qegħdin fuq l-istess frekwenza, biss jiena fl-istilel ma nemminx.

Immorru bilqiegħda fuq il-bank,
Nisimgħek, inti tismagħni.
Nitħajru nixtru xi ġelat.
Hemm togħmiet differenti.

L-ismack tkissrek, tkissirlek moħħok żgur!
L-ismack tkissrek.

****************************

L-Orjent

Jien se nwaqqaf daqsxejn hawn
Għax id-dlam u xejn m’haw dawl
Naqbad ħwejjġi u immur
Għalkemm naf m’għandix raġun.

Nirkeb fuq il-bastiment
U inbaħħar lejn l-orjent
Fuq il-vapur boxxla m’hemmx
Direzzjoni ttina x-xemx.

Ix-xemx kiefra wisq bi nhar,
Ġieli anke jaqa’ ċ-ċpar
L-art issa qiegħda il-bogħod
Li mmur lura le m’hemmx mod

Qatt ma bsart li nasal s’hawn
Tlift it-tama, tlift id-dawl
Inħossni bniedem spiċċut
Jien għażilt illi immut.

****************************

Cinderella

Cinderella what should I do?
You ask me to love you, I’ll surely do.

Love you
You’re a diamond, you’re a diamond, diamond, diamond.

Cinderella, your magic spell,
your heart you give me, I’ll treat you well.

Love you

You’re a diamond, you’re a diamond, diamond, diamond.

You’re a diamond, you’re a diamond, you’re a diamond, diamond, diamond.

****************************

feeble

and I see you walking down the road, talking to no one,
feeling all alone, yeah yeah yeah ee yeah
yeah yeah yeah ee yeah
yeah yeah yeah ee yeah
you’re my girl
you’re my girl

and I see you walking down the road, talking to a friend,
laughing hand in hand, yeah yeah yeah ee yeah
yeah yeah yeah ee yeah
yeah yeah yeah ee yeah
you’re my girl
you’re my girl

You don’t know me but I do
Here to catch a glimpse of you.

and I see you walking down the road, talking to no one,
feeling all alone, yeah yeah yeah ee yeah
yeah yeah yeah ee yeah
yeah yeah yeah ee yeah
yeah yeah yeah ee yeah
yeah yeah yeah ee yeah

****************************

Graces street

He’s found on a mountain top,

As they arrived, he was there and falling.

Yeah, yeah yeah yeah yeah good morning

before you wonder why

what goes inside your head

Dil-kanzunetta hu li nista’ ntik.
Tippretendix affarijiet kbar.
Ma nistenniekx tibdel l-ilma fi nbid.
Jien għal haw’, int kompli sejjer.

Rit: O Mulej Alla tiegħi dejjem tistaqsini u jien ma nafx.
Ejja ħu magg te miegħi, forsi nista’ ngħinek taqta’ l-għatx.
O Mulej ħabib tiegħi dejjem idħaq, ferraħ lil kulħadd.
U jekk mal-ħin tibda’ tegħja, poġġi ħdejja u naqliblek platt.

Għedtli nżomm dejjem id-dawl mixgħul, iżd’issa sar il-ħin u tfejt.
Jien għal hawn, tridx tibqa’ ħdejja? Ilgħala qed tibki Pawl?

****************************

Għandi l-għatx

Pruvajt nikteb poeżija iżda ma rnexxilix.
Mort anke sal-Etjopja biex nagħmel il-ġid.
Irrid indoqq dil-melodija, ma rridx inwassal messaġġ.
Melodija antipatka b’ritmu antipatku.

Melodija ftit prekarja li ma tantx taqtagħlek għatx.
Prova kanzunetta oħra jew mur sal-Mandraġġ.
Kull filgħodu nqum imdamdam qisni biċċa xiħ marid.
Naqbad żobbi u nfaqqagħlu ħa nneħħilu s-sadid.

Rit: Xarrabtlek xufftejk, stejqer għal ftit.
Kemm hi iebsa l-qabża! Iżda daqt tasal jekk Alla jrid.

Id-dubbien daqt se jattakka, jaqbel li nsejħu ‘l tas-S.A.I.
Soċjetà Anti-Insetti, jirbħu kull kumbatt.
Jew nilagħbu logħba oħra, inti oqgħod il-mamà,
storja ta’ kif fantażija serqet realtà.

O Marija l-iżjed ħelwa, minn ġot-tempju noħorġuk,
nidilkuk biċ-ċikkulata biex nuruk li nħobbuk.
Tereż, int in-nanna tagħna u lejk għandna kull rispett!
Kuntenti aħna nkunu miegħek, mhux bħal fi żmien l-interdett.

****************************

Sekwestrin

Demmi issa vvalenat. Kont ħadt is-sekwestrin.
Inħares lura u ninduna kemm fil-qalb hemm dispjaċir.
Sekwestrin

Friegħi minn ġismi ħerġin, il-fjuri tal-ħadid.
L-art mielħa u mal-ewwel xita se jiekolni is-sadid.

Dejjem tistaqsi hux! Issa dak li hu hu. Sekwestrin.

Ma bsartx li se nasal s’hawn, għajnejja miksurin.
Jien tħawwilt ġo dan il-vojt il-kbir. Kemm dam biex għadda l-ħin!
Inħares lura u ninduna kemm fil-qalb hemm dispjaċir.

Inħares lura u ninduna kemm fil-qalb hemm dispjaċir.

Dejjem tistaqsi hux! Issa dak li hu hu.
Dejjem tistaqsi hux! Issa dak li hu hu.

Tlaqtni bħal buffura riħ.

****************************

Is-sengħa tal-imħabba

Int togħġbok il-moħqrija
Twaddabni ‘l hemm u ‘l hawn
B’kelma ttellagħni l-ġenna
Ma ndumx wisq ma ninżel l-art.

Inti fjura selvaġġa
Inti l-bidu u t-tmiem
Ejja missni u fejjaqni
Inti d-duwa, jiena l-ġdiem.

Għajnejk iħarsu lejja
Fommok ma jkellimnix
U donnok trid xi ħaġa tgħidli
U għall-mistħija ma tgħidlix.

Is-sajjied mingħajr il-qasba
In-nassab mingħajr ix-xbiek
Għallimni s-sengħa tal-imħabba
Forsi qalbi tistrieħ.

****************************

Miegħek immur

Taf li rrid insir parti mill-mewġ,
Jew ċagħqa fuq bajja, ramla waħda fil-plajja.

Ma rridx sehem mill-frott tal-art.
Onfoħli, itfini, ħassarni, insini.

Taf li rrid miegħek immur, miegħek immur, miegħek immur.

Il-ġenna li trid mhux qiegħda ‘l bogħod.
Titlaq inti, nitlaq jien, filkas jien noqgħod barra.

Naf, ma tafx, li dis-sena fjakk il-ħsad.
Kienet sena ta’ qtigħ il-qalb.

Taf li rrid miegħek immur, miegħek immur.

Mhux ħtija tagħna li qegħdin hawn illum.

****************************

Erġajt waqajt f’koma

Daħlet ix-xemx, il-baħar qed jitqalleb,
qabad jonfoħ ir-riħ, mhux sinjal tajjeb.

F’moħħi hemm dlam, erġajt waqajt f’koma,
xufftejja mqarqċin u togħma morra.

Ħmura fil-ħolm, kulħadd qiegħed jispara.
Hemm gwerra wara l-bieb, funeral f’darna.

Ma tagħmlu xejn ma’ ġens qalbieni bħalna.
M’hemmx ċans l-invażur li jidħol f’darna.

Amen, amen

Daħlet ix-xemx, il-baħar qed jitqalleb,
qabad jonfoħ ir-riħ, mhux sinjal tajjeb.

Agħmlu kuraġġ, għandna naħbtu ma’ gżira,
nies twajba li jilqgħuk b’ħobża u sardina.

Amen, amen, amen, amen.

****************************

Id-diqa ħelwa ta’ filgħaxija

Id-diqa ħelwa ta’ filgħaxija
Twennisni, timlieli l-vojt.
Did-diqa ħelwa kollha għalija
U tiegħi hi biss.

Dejjem tara x’tagħmel u x’tivvinta kull filgħaxija.
Biex tissaħħaħ dejjem taf li s-sema hemm.
Għax widnejja kollha faħam, widnejja kollha faħam.
Ninġabru flimkien.

Did-diqa ħelwa xej’ ma fiha,
Kitarra u sigarett.
Waħdi haw’ fuq fil-gallarija,
bil-ħajja fil-bogħod.

Għax bil-kalma żgur li tiġi.
Dejjem isma’ ħalli tiġi.
Għax did-dalma żgur li titlaq bis-serħan.

Id-diqa ħelwa ta’ filgħaxija
twennisni, timlieli l-vojt.
Tipprova ddeffes denbha l-ħtija.

Dejjem tara x’tagħmel u x’tivvinta kull filgħaxija.
Biex tissaħħaħ dejjem taf li s-sema hemm.
Għax widnejja kollha faħam, widnejja kollha faħam.
Ninġabru flimkien.

****************************

Kuraġġ Bezzina

Se nitilfek għal ftit.
Se nitilfek għal ftit.
Intbaħt li kieku beżgħan, kieku beżgħan m’iniex, jew forsi ftit.

M’hemmx iktar xi ngħidu, poġġi ħdejja u nistennew.
Għamilt li stajt, kuraġġ Bezzina, int tifel sew!
Dejjem għamilt kollox sew.

****************************

Il-Ġorf

Imxejt bil-kwiet f’mogħdija bl-ifjen trab
Taħti l-Ġorf dalwaqt se jibla’ l-blat.
Ġa kważi dalam, ‘l haw ma jersqux nies
Ħlief fil-karozzi biex jaħxu fis-skiet.

Hemm kamra monument wara tant snin
Il-ħruq ġo sidri u is-swaba’ kesħin.
Ħsibt li fottejtek, għamiltlek ħażin
Intbaħt li kont tgħammidt bl-ilma tal-bir.

Rit: Għidli, fej’ kont tkun inti dak iż-żmien?
Fiċ-chewing gum fil-baħar li jagħrax l-ilsien.
Fil-ħobż biż-żejt, fis-sjesta, fil-kuntatti taħt il-friex
li lanqas melħ ta’ baħar miftuħ ma jfejjaq.

Tidher kuntenta ferm f’dak ir-ritratt
Xej’ ma jiddispjaċini mill-pass li kont ħadt.
Hemm żibel mormi u fjuri fil-viċin,
u nifhem ‘l għala m’aħniex ta’ xulxin.

Irrid inħares lejk, narak mill-bogħod,
għax fil-preżenza tiegħek qed nirtogħod.
O baħar kbir ejja tini bis-sieq.
Ftit diqa ħelwa hu dak li nixtieq.

****************************

Dritt għall-qiegħ

Taf biċ-ċert x’inhu tiegħek?
Kollox mogħti b’xejn, int taf, qtajtlek id-dejn.
Aħwa fi Krishna, ma’ Kristu,
hey presto kulħadd ħbieb, miraklu tal-ħallieq.

Għax ma tmurx tfittex band’oħra?
Fejn jistgħu jifhmuk,
jaf anke jkunu jriduk.

Taqtax qalbek ħudha l-qabża.
Taħtek abbiss, fondoq ikrah, baħar jibla’ n-nies.

Rit: Mal-kbir profeta,
ma’ Ġesù Kristu,
m’Abraham missierna,
kulħadd dritt għall-qiegħ.

Kont barrani u lqajtuni.
Jixlini dal-kliem, meta naf jien kif jien.
Baħħru għas-sema pajjiżhom.
Vjaġġaw fil-ġuħ u l-bard, u issa għandhom b’wirthom l-art.

Rit: Mal-kbir profeta,
ma’ Ġesù Kristu,
missierna Abraham,
sieħbi Faizal.
Kulħadd dritt għall-qiegħ.

U għaliex? Xortik mhijiex xortija.

****************************

Tgħidli le

Din l-għanja hija illużjoni, minna nies illużi.

Taf li jekk tgħidli le, jista’ jkun li jaqbilli hekk.
Taf li triqatna ‘l bogħod, int fil-Lvant, jiena fil-Punent.

Jekk ser tistad, għandek tkun taf, għandek tkun taf li jiena mejjet.

Kliem li jiftħu l-bibien midfunin f’xagħri kollu xewk.
Taf li ssaħħan il-qlub. Inti x-xemx, taħtek qed indub.

Żmien itfi dan-nirien. Roxx l-irmied għax naħseb kien divin.
Inħlejt. Ejja għax għajjejt. Nistenniek taħt siġra fid-dell.

Jekk ser tistad, għandek tkun taf, għandek tkun taf li jiena mejjet.

****************************

Kanzunetta biex timla

Din kanzunetta biex timla.
Din kanzunetta biex timla.
Din kanzunetta biex jgħaddi l-ħin.
Din kanzunetta biex jgħaddi l-ħin.

Din kanzunetta biex timla.
Din kanzunetta flok pirmla.
Din kanzunetta biex jgħaddi l-ħin,
Biex forsi jħenn għalina l-bambin.

Din kanzunetta kontra l-monotonija,
għax m’għandix ħeġġa mmur sa Sqallija.
Din kanzunetta biex jgħaddi l-ħin.

Żrajt il-qamħ nibtet sikrana,
żrajt ix-xgħir nibet ħafur.
Minn x’ħin jisbaħ sa ma jidlam,
nikkonfondi fej sa mmur.

Xita għamlet bir-riħ isfel.
Fej’ se mmorru nirtiraw?
Immorru s’għand il-furnara,
u biċċa ftira niddubbaw.

Il-Ġenna ma tmurx bid-dgħajsa,
u lanqas tmur bil-karozzin.
Għax il-Ġenna mhix ix-Xgħajra
U lanqas hija Xrobb l-għaġin.

Kemm nixtieq inbusek bewsa,
u tal-bewsa nħallas lira.
Għax il-lira tmur u tiġi,
u il-bewsa tibqa’ tifkira.

Qalu l-baħar jieħu u jagħti.
Lili ħadli u ma tanix.
Ħadli lill-maħbub ta’ qalbi,
tlabtulu u ma tahulix.

Mp3 minflok quddiesa,
kaxxa pizza flok insum,
mixi biex inkeċċu x-xjaten.
Terapija għal erbgħin jum.

Għandi għoqla fuq l-istonku,
u ma nistax nara ċar.
Moħħi issa ddallam sewwa.
Fittex ħudni lejn id-dar.

Din kanzunetta biex timla.
Din kanzunetta biex timla.
Din kanzunetta biex jgħaddi l-ħin.
Din kanzunetta biex jgħaddi l-ħin.

Din kanzunetta biex jgħaddi l-ħin,
biex forsi jħenn għalina l-bambin.

Nipprova ngħatti d-diżappunt tant evidenti,
wara li għidtli le u komplejt tiddiskuti l-ġrajjiet kurrenti.

Nixtieq li ngħib, nixtieq li kieku l-art tiblagħni.
Donni jien biss nixtieq narak. Donnok inti ma tixtiqx tarani.

Ma nafx fejn sejjer, nitlaq b’denbi bej’ saqajja.
Fej’ naqbad insib kenn? Ma rridx li nerġa’ nilbes ħwejjeġ kollha tbajja.

(‘Mma) Inċedi le!
Nixkana iva, ‘mma nċedi le.
Naqa’ u nqum!
Għidtli “trid tfalli ta’ kuljum”.

Kif ftaħt il-bieb mill-ewwel qrajtni, għidtli “x’għandek”?
Ċara li mġarrab imma anqas kieku; inti xej’ ma jaħrablek!
Għidtlek “Madonna kemm hi iebsa din il-ħajja”!
Naf li għidtha miljun darba, imma (hemm) ftit inżul u ħafna ħafna tlajja.

U għidtli “Iċċedi le! Tixkana iva, ‘mma ċċedi le”!
“Taqa’ u tqum”. Għidtli “trid tfalli ta’ kuljum”.

Lejk grat li din l-istorja ġrat.
Infallu flimkien. Nitbenġlu int u jien.

“Taqa’ u tqum”. Għidtli “trid tfalli ta’ kuljum”.

****************************

Julia

Inti għadira u jien l-ilma li jimlik
Inti tilqagħni u nikkonforma fik
Ninfed fit-toqob, ħofor u xquq
Int għalija l-ilqugħ

Int il-katina tal-mutur, jien iż-żejt
Niżżelleġ miegħek u naħarbu xi tgħid?
Inti sikkina u jien ġebla li ssinn
Inħokku ma’ xulxin, xintill!!

Chorus: Inkun ħdejk x’ħlewwa nħoss, o Julia !
Ikolli nerġa nemmen, Alleluia !
Int issaltan fil-ħolm.

Int l-iskorfina u jiena il-bolt
Jiena il-wisa’ u inti il-fond
Int il-baċir u jien il-bastiment
Int iċ-ċana u jien il-kument

Chorus: Inkun ħdejk x’ħlewwa nħoss, o Julia !
Ikolli nerġa nemmen, Alleluia !
Int issaltan fil-ħolm.
Ġmiel minn barra u minn ġew’

****************************

Balzmu

Balzmu, l-għażż balzmu mhux tartru.
Tħaddet ma’ min jaf sewwa xogħlu,
Għaliex b’li qed tgħidli se ġġibni ħażin għaġeb!
Il-morali ħxewni. Kemm nixtieq illi kont tifel imqareb.

Kissru! Trid tkissru u tfarrku!
Isħaqlu rasu b’għarqubek.
Ħadd m’hu se jlumek jekk tieqaf tieħu belgħa te.
Please għidli iva għax ma nafx kif nieħu l-le.

Inti bħax-Xitwa, taqsamni fuq rkuptejk, iġġibni skjav taħt riġlejk.
Tħajjarni bi ftit mumenti ta’ xemx fietla, imbagħad, ix-xita u r-ragħad,
tgħoddosni fil-griż, biss xorta lejk grat, għax iżżeffinni għada, iżżeffinni llum.
Ġewnaħ jiena, ġewnaħ inti u ninqatgħu mill-irdum.
Qatt mhu se nħallik tinbarax. Jekk tingiref indewwik, jekk titnikket nagħtik faraġ.

Kebbes nar b’dil-fjamma qabel tmut, u jaqa’ l-ksieħ.
Nixtieq noqgħod maġenbek, biex niflu l-kwiekeb, bil-ħoss kalm tal-baħar.
Tini li ngħix. Tini li ngħix.

Stinka, trid taħdem, tistinka, biss inħoss li l-ferħ minn qalbi qed jiżvinta.
Għandi l-ġid u saqaf fuq rasi. Nikteb id-diski biex forsi xi darba tagħti kasi.
Naqdef fl-inżul u fit-tlajja’. Naqdef sa ma ngħajja. Naqdef bla ma ħadd ma jġegħlni; minn rajja. U issa naf fejn irrid nasal, jekk nasal.

Nagħmel kuntrumbajsi biex tarani, inkanta biex tismagħni, qed inteptep id-dawl, innutani.
Biss forsi ntbaħt illi dal-flien difettuż, u tfajt ħarstek fuq ħaddieħor xi ftit iktar gustuż.
Għidtli “tkunx needy magħha. Tkunx bħal imħara. Qisek ħaddiem illi mejjet għas-sahra.”
“Fre, din għalija impossibilta’. Kif jista’ jkun? Ma nafx nirreċta. Minix attur”.
Jaf forsi nidher tajjeb, nidher sielem, nidher bniedem mingħajr gdiedem, nidher qisni xi iljun; qisni Mario il-brikkun.
‘Mma jien biss selħa fil-ħajt tas-sejjieħ, u fi ħdanek nixtieq nistrieħ.
U fi ħdanek nixtieq nistrieħ.

Kebbes nar b’dil-fjamma qabel tmut, u jaqa’ l-ksieħ.
Nixtieq noqgħod maġenbek, biex niflu l-kwiekeb, bil-ħoss kalm tal-baħar.
Tini li ngħix. Tini li ngħix. Tini li ngħix. Tini li ngħix.

****************************

Minjiera Blu

Kieku tafu kemm affarjiet sbieħ!
Tidħol f’dan il-post u l-qalb tistrieħ.
F’armonija kollox u kulħadd.
Ġnien tal-Eden, ġenna fuq din l-art.
Kieku jkollkom ċans tiġu żżuruh,
Imbellhin tibqgħu b’ħalqkom miftuħ.
B’garanzija li mit-Tnejn sal-Ħadd
tibdew tiġu dejjem bla kuntratt.

Tridu tdħlu minn ġo Wied il-Kbir,
qabel jidlam, qabel dlam isir.
Minn faċċata taraw nieżla x-xemx.
Titfixklux għaliex triq oħra m’hemmx.
Fuq kull naħa siġar tal-ballut, ħanfus iswed, kokka, u xi qanfud.
(Is-) Sensazzjoni kif taslu viċin, hi li bħal donnu waqaf il-ħin.

Hemm bokka fil-blat, ibqgħu deħlin.
Ħallu d-dalma, kalma ta’ dal-post tgħannaqkom ja ħelwin.
Itfu t-telecell, fil-Minjiera blu!
Evitaw id-distrazzjonijiet f’dal-post tant silenzjuż.

Il-faħam tal-ħajt ikanġi l-blu.
Jarmi dija kaħla illi twennes, tnessi kull dulur.
Jekk tibqgħu deħlin hemm għadira tfur.
Tfal, sireni u kull tip ta’ ħlejqa jgħixu ferħanin.

Din bejnietna, tmorru tgħidu ‘l ħadd!
Għax it-tali li joqgħod fil-wied,
għandu klieb feroċi b’nejbiet kbar,
qegħdin għassa biex ma jersqux nies.
Madankollu jekk tiġu żżuruh, imbellhin tibqgħu b’ħalqkom miftuħ.
Dar-refuġju fil-Minjiera blu m’hemm bħalu imkien
f’dan il-ħolqien terren.

****************************

Kemm hi sabiħa l-ħajja!

Ġarrabt ġmielek illum u naf, forsi mhux dehen,
li nxomm xagħrek u ntiegħem xufftejk, li jdejja żżomm f’idejk.

Erbgħa u tletin deżert.
F’tant nixfa xrobt id-dmugħ.
Imbagħad tfaċċajt int; għadira tfur,
u għidtli biex nidħol ġo fik u nindaf.
Qalbi qtajtli l-għatx.

Kemm hi sabiħa din il-ħajja!
Minkejja l-ftit inżul u l-ħafna tlajja’.
Kemm hi sabiħa din il-ħajja!
Irrid niġġiddem. Nimtela’ tbajja’.

Innutani għaliex nieħu n-nifs ħabba fik.
Ix-xemx għall-fjuri, imħabbti għalik.

Kemm hi sabiħa din il-ħajja!
Minkejja l-ftit inżul u l-ħafna tlajja.
Kemm hi sabiħa din il-ħajja!
Irrid niġġiddem. Nimtela’ tbajja’.
Kemm hi sabiħa din il-ħajja!
Ponta ġulepp u magħrfa mirra.
Kemm hi sabiħa din il-ħajja!
Nofs siegħa rdoss u seklu sirda.
Niġri u nieħu r-rankatura, iddeċidejt mhux se mmur lura.
B’ruħi u b’ġismi dħalt għaliha, almenu nkun tirt qabel niġġarraf.
Intlaqt fil-vojt bħal ferħ beżagħni, nafda li qiegħdha hemm taħt biex tilqagħni.
Kemm hi sabiħa din il-ħajja!
Nitolbok la tagħfasx għaliex qalbi f’idejk.

****************************

Il-magħmudija t’imħabbtek

Tfajt ħarsti l’bogħod, flejt mil-Lvant sal-Punent,
u l-għabex kixef mitt lewn, u indunajt bħalek m’hemmx.

Kelmitni brimba b’għajnejn imberrqin.
Qaltli “dan ħela ta’ ħin”, qaltli “dan ħela ta’ ħin”.

Żfinna fit-trab ġo teatru bla żmien.
Xegħlet ħuġġieġa f’għajnejk.
Ġew l-anġli jqimuk, poġġejt ħdejk.

Aħseb f’isem ġdid għall-magħmudija.
Aħsilni fix-xmajjar tal-Ġordan.
Is-salm responsorjali ma ftakartx.

Mill-gallarija fuq ġnien ittarraft.
Taħtek ħarist u intbaħt, kollox kien xejn u x-xejn ġarrabt.

M’għadnix qed nagħraf bejn t’isfel u ta’ fuq,
u int ħaddantni miegħek. Farraġtni, lagħaqtli d-dmugħ.

Ejja għalija għax f’labirint tliftni.
Kun għalija l-ankra, il-kenn, il-port.
U għidli fl-imħabba biss se tirtogħod.

Fiha rrid ninħeba.
Kollox frugħa f’din il-ħolma.
Tini l-pirmla. Irrid nimrad bl-imħabba.

****************************

Irranġani

Qatt ma kont naf nitlef.
Falza l-umilta’.
Ordomt il-mankament.

Issa qed naqta’ nifsi.
Il-ferita infettat.
Niggranfa ma’ li nsib.

Dit-tagħbija ġewwinija trid titbattal, trid tinħatt.
Ebda Kristu, ebda alla ma ħareġ għonqu f’dal-kumbatt.
Qajjem bniedem mill-mewt.

Irranġani. Irranġani.
Naf li inadekwat. Inkapaċitat.
Irranġani. Irranġani.
Naf li adekwat minix.

Ejja fieq maġenbi nżomm idejk magħfusin.
Forsi aħjar nillanja. Ix-xemx qed tgħammixni.
X’se jibqa’ minni?

Dit-tagħbija ġewwinija trid titbattal, trid tinħatt.
Ebda Kristu, ebda alla ma ħareġ għonqu f’dal-kumbatt.
Qajjem bniedem mill-mewt.

Irranġani. Irranġani. Irranġani. Irranġani.
Irranġani. Irranġani.
Mument miegħek u inħossni ħaj.
Irrid inħossni ħaj.

****************************

Pupazz

Pupazz naħseb qed naqbdek fuq frekwenza.
Tini sinjal jekk vera huwa int.
Ħerqan li nerġgħu ngħidu kelma, għax ilek seklu issa li sifirt.
Hawnhekk l-affarijiet qajla nbidlu. Jinbidlu biss il-ħwejjeġ ma’ xiex niggranfaw.
Mal-lejl qed nistenbaħ u nsib qalb imkeffna, biss ġieli iż-żerniq iġib xi raġġ ta’ dawl.

Qed nimmaġinak, u taf li kważi qed narak.
Fej’ tista’ tkun? Fej’ tista’ tkun?
Qed nimmaġinak, u kważi kważi qed narak.
Fej’ tista’ tkun? Fej’ tista’ tkun?

Tan-nejk, qbadt tlaqt m’għidtlix li sejjer!
Kont niġi nwasslek, ngħannqek u ngħidlek ċaw.
Nixtieq li nerġgħu niltaqgħu waħda, noħorġu libsin ikrah, noqogħdu nixkanaw.
Kultant nitolbok ibgħat ġegħlni nħossok miegħi.
Tħallinix miexi waħdi f’dan il-wied mudlam.

Qed nimmaġinak, u taf li kważi qed narak.
Fej’ tista’ tkun? Fej’ tista’ tkun?
Qed nimmaġinak, u kważi kważi qed narak.
Fej’ tista’ tkun? Fej’ tista’ tkun?

Qed nitilfek. Qiegħed nitilfek.
Qed nitilfek. Qiegħed nitilfek.
Qed nitilfek l-għażiż.
Qed nitilfek. Qiegħed nitilfek.
Qed nitilfek l-għażiż.
L-ispazju li hemm bejnietna jkompli jżid o astronawta tat-tifrik.

****************************

Ħondoq ħurrieq

Ħondoq ħurrieq jien mixħut mal-art.
Xita u ksieħ li jinfdu l-qalb.

Ġieli urejtni s-sabiħ.
Illum tilqagħni fil-qiegħ.

Ħondoq ħurrieq bi ħniena ma tafx.
Int dak li int; il-qasma fil-blat.
X’togħma ħażina l-asfalt!
Ħondoq ħurrieq ma twassal imkien.

Ġieli urejtni s-sabiħ.
Illum tilqagħni fil-qiegħ.

Ħondoq ħurrieq fittixtek illum.
Dlamek mhux dlam.
Wens mid-dulur.
Sibtni fix-xagħari, fl-għollieq.
Ħondoq ħurrieq, m’għadnix nista’ ndum.

****************************

Litanija

Dejjem ġo moħħi tkun

Ġnien tal-Eden – Le ma rridx inħares lejk
Arpa ta’ David – Le ma rridx inħares lejk
Sens tal-ħajja – Le ma rridx inħares lejk
Fl-inżul u fit-tlajja’ – Le ma rridx inħares lejk
Bħal raġġ tax-xemx fil-kesħa – Le ma rridx inħares lejk
Bħal biċċa xogħol lesta – Le ma rridx inħares lejk
Tittajjar ħelwa bħal ħuttafa – Le ma rridx inħares lejk
Il-prinċipessa tal-ħrafa – Le ma rridx inħares lejk

Din krudilta’! Tħallinix mill-ferħ insum.
Il-verita’; li ma rridx inħares lejk illum u nipprova ndum.
Kulma nixtieq hu li tiċħadni minnufih.
Għax int jixraqlek l-aħjar.
Il-għaliex int jixraqlek l-aħjar u jien biss ħmar.

Inti tgħammixni – Le ma rridx inħares lejk
U sbuħitek tinbixni – Le ma rridx inħares lejk
Int impossibbli – Le ma rridx inħares lejk
U moħħi tqallibli – Naħseb fik moħħi herrejt
Ixxennaqni – Le ma rridx inħares lejk
Meta tiġi tgħannaqni – Le ma rridx inħares lejk
Int ksur tal-liġi – Le ma rridx inħares lejk
Ħlewwietek iddaħħalni fi kriżi – Le ma rridx inħares lejk
Jien imriegħex – Le ma rridx inħares lejk
Kif narak nindiehex – Le ma rridx inħares lejk
Sirt ostaġġ tiegħek – Le ma rridx inħares lejk
Ħallini naħrab nitbiegħed – Le ma rridx inħares lejk

Din krudilta’! Tħallinix mill-ferħ insum.
Il-verita’; li ma rridx inħares lejk illum u nipprova ndum.
Kulma nixtieq hu li tiċħadni minnufih.
Għax int jixraqlek l-aħjar.
Il-għaliex int jixraqlek l-aħjar u jien biss ħmar.